| تبليغات | X |
|
elvar
|
گله جک
اورمانلار داها گور اولاجاق، داها گور.
تارلالار داها چوخ شئی وئره جک، داها چوخ شئی.
شهرلر داها جانلی اولاجاق، داها جانلی.
اینسان عومرو داها اوزون اولاجاق، داها اوزون.
فایداسیزلیق اوزره
مئیوه وئرمه ین مئیوه
آغاجینا
ثمره سیز دییه ر لر.
توپراقی کیم اینجه لر؟
چوروموشدو دئییرلر
قیریلان بوداغا.
اوزه رینده هئچ
قار یوخ مویدو آما؟
بؤیوک یاغیلر گلدییینده
بؤیوک یاغی لر گلدییینده
او ساعات آچدیم قاپینی
و منی چاغیردیقلارینی دویدوم
و چیخدیم دیشارا.
داها آغیزلارینی بیله آچمادان
من کیلیدلری گتیردیم،
و بؤیله جه هئچ بیر سوچ ایشلنمه دی،
بیر شئی لر تاپیلمیشدی ساده جه.
گله جک اولان ساواش
ایلک ساواش دئییل. اوندان اؤنجه
باشقا ساواشلاردا اولدو.
ان سونونجوسو بیتدییینده
غلبه چالان و یئنیلن واردی.
یئنیلن یاندا یوخسول خالق
آجلیقدان قیریلدی. غلبه چالان یاندا
آجلیقدان قیریلدی یئنه یوخسول خالق.
کیچیک اوغلوم سوروشور
کیچیک اوغلوم سورشور مندن: ریاضیات اؤیرنیم می ؟
بئله جواب وئرمک گلیر ایچیمدن: نه دئییرسن!
ایکی پارچا چوره گین تک پارچادان چوخ اولدوغونو اوخومادان دا آنلایا بیلرسن سن.
کیچیک اوغلوم سوروشور مندن: فرانسیزجا اؤیرنیم می ؟
بئله جواب وئرمک گلیر ایچیمدن: نه دئییرسن!
بو اؤلکه اریمک اوزره.
سن قارنینی اوغوشدور الینله، بیرازدا آغلا
اونلارآنلارلار دردینی.
کیچیک اوغلوم سوروشور مندن: تاریخ اؤیرنیم می ؟
بئله جواب وئرمک گلیر ایچیمدن: نه دئییرسن!
باشینی تورپاغین آلتینا سوخماقی اؤیرن
بئله جه حیات دا قالیرسان بلکه.
و سونرا: هه اؤیرن- دئییرم- ریاضیاتی.
اؤیرن فرانسیزجانی، اؤیرن تاریخی!
هیتلر ساواشینین تاریخینی داشییان بیر قبیر داشی
خوش گؤردون، آتا، عسگر گئتمه ییمی، آنا، منی ساخلامادین،
یالان نصیحت لر وئردین، بؤیوک قارداشیم،
بؤیوک باجیم، ایخطار وئرمه دین منه!
